२९ वर्षीय भूपदेव अछामको मंगलसेन नगरपालिका–४ का स्थायी बासिन्दा हुन्। विवेकशील साझा हुँदै वैकल्पिक राजनीतिमा सक्रिय उनी रणनीति, संवाद र संगठन निर्माणमा दक्ष मानिन्छन्। २०७९ को स्थानीय तह निर्वाचनमा बालेन्द्रको स्वतन्त्र अभियानलाई व्यवस्थापन गर्ने मुख्य पात्रमध्ये भूपदेव थिए।
पछिल्लो समय वैकल्पिक राजनीतिक शक्तिहरू एक ठाउँमा ल्याउने प्रयासमा उनले वार्ता र समन्वयको भूमिका निर्वाह गरेपछि उनको चर्चा झन् बढेको छ। रास्वपाको केन्द्रीय सदस्यमा मनोनीत भइसकेका भूपदेव अछाममै गएर जनताबाट अनुमोदन लिएर राष्ट्रिय राजनीतिमा उक्लिनुपर्ने मान्यता राख्छन्।
उनको भनाइ छ, “अछाम जितिएन भने सिंहदरबार पुगिँदैन।” यही सोचका साथ भूपदेव अहिले जन्मथलोमै राजनीतिक तयारीमा जुटिरहेका छन् ।