दार्जिलिङमा जन्मिएका प्रशान्त तामाङ साधारण गोर्खा परिवारबाट आएर भारतीय संगीत क्षेत्रमा ठूलो पहिचान बनाएका कलाकार थिए। मुम्बई पुलिसमा सेवा गर्दै गर्दा उनले Indian Idol 2007 मा भाग लिएका थिए र आफ्नो मधुर स्वर तथा सरल व्यक्तित्वका कारण लाखौँ दर्शकको मन जित्दै प्रतियोगिताको उपाधि हात पारेका थिए।
Indian Idol जितेपछि तामाङले हिन्दी तथा नेपाली भाषामा थुप्रै गीतहरू गाए। गायनसँगै उनले केही चलचित्र तथा वेब सिरिजमार्फत अभिनयमा पनि आफ्नो उपस्थिति जनाएका थिए। उनी विशेषगरी नेपालीभाषी तथा गोर्खा समुदायका लागि प्रेरणाका प्रतीक मानिन्थे।
उनको अकस्मात् निधनको खबरसँगै संगीत तथा कला क्षेत्रका कलाकारहरू, प्रशंसकहरू र शुभेच्छुकहरूले सामाजिक सञ्जालमार्फत गहिरो शोक व्यक्त गरेका छन्। प्रशान्त तामाङको योगदानलाई संगीत जगतले लामो समयसम्म सम्झिरहनेछ।
स्वर्गीय: प्रशान्त तामाङ प्रति हार्दिक श्रद्धाञ्जली !