अझै कसलाई थाह छैन र तिम्रो मुख्य पीर के हो ?

 गजल 

उद्देश्य नै अर्कै हो कि सोझ्याएको तीर के हो ? 

अझै कसलाई थाह छैन र तिम्रो मुख्य पीर के हो ?

अनन्त छ यात्रा लामो जम्काभेटमा जुर्नु नै छ 

पत्तो दिउँला त्यति खेरै यथार्थमा भीर के हो ? 

मौका जुर्यो विगत बिर्स्यौ अब भन्नु केही रहेन

बेला आउला बताइदेला दीर्घकाल र चीर के हो ? 

जति गर्छौ निन्दै निन्दा गर तिम्लाई छुटै छुट छ 

हेर्दै जाउ भविष्यलाई धैर्यता र धीर के हो ?

(अझै कसलाई थाह छैन र तिम्रो मुख्य पीर के हो ?)

"नरेश न्यौपाने" टिकाथली, ललितपुर ।